Образование
01.09.2025
"Білім күні"
2025 жылдың 1 қыркүйегінде «N2 Новоишим орта мектебі №2» КММ-де «Мектебім–мейірім мекені» атты "Білім күні" мен жаңа оқу жылының басталуына арналған салтанатты жиын өтті. Бұл мереке оқушыларды, ата-аналарды және ұстаздарды біріктіріп, жаңа кездесулердің қуанышын және үлкен жетістіктерге деген үмітті сыйлады.
Мектеп ауласы түрлі-түсті шарлармен, жалаушалармен, күлкіге толы жүздермен және балалардың шат күлкісімен көмкерілді. Салтанатты шара Қазақстан Республикасының Мемлекеттік Туын алып шығумен және Әнұранды орындаумен басталды.
Құттықтау сөздерімен мектеп директоры мен құрметті қонақтар сөз сөйледі. Ең әсерлі сәттердің бірі– мектеп табалдырығын алғаш аттаған бірінші сынып оқушыларының сахнаға шығуы болды. Олар өлеңдер мен әндер орындап, көрермендерден ыстық қошеметке бөленді.
Мерекеде 11-сынып түлектері де ерекше орын алды. Олар бастауыш мектепке енді аяқ басқан бүлдіршіндерге ақ тілектерін білдіріп, білімге деген сүйіспеншілікті және достықты қадірлеуге шақырды. Дәстүр бойынша, түлектер Білім кілтін–ұрпақтар сабақтастығының белгісін–бірінші сынып оқушыларына табыстады.
Шараның шарықтау шегі–бірінші және он бірінші сынып оқушыларының қолында сыңғырлаған алғашқы қоңырау үні болды. Осы сәттен бастап 2025–2026 оқу жылы ресми түрде ашық деп жарияланды!
Сондай-ақ, осы күні мектеп мерекесіне полиция бөлімінің өкілдері қатысты. Олар балалар үшін қызықты қауіпсіздік сабақтарын өткізіп, жолда жүру ережелері туралы еске салып, еске салатын парақшалар таратты. Балаларға көшені дұрыс кесіп өту және өз қауіпсіздігін сақтау жайлы ойын түрінде түсіндіріп берді.
Жаңа оқу жылы жарқын жеңістерге, жаңа ашылымдарға және ұмытылмас әсерлерге толы болсын!Ұстаздарға–шабыт пен құрмет, ата-аналарға–қуаныш пен мақтаныш, оқушыларға–білімге апарар жеңіл әрі табысты жол тілейміз!
