2023 жылдың 12 сәуірінде "№ 2 Новоишим орта мектебі" КММ кітапханашылары Ғылым қызметкерлері күніне арналған тақырыптық көрмені 1-11 сынып оқушыларына ұсынды .

Бүгін – Қазақстандағы ғылым қызметкерлерінің күні. Күнтізбедегі бұл күн кездейсоқ таңдалмағаны белгілі. 12 сәуір – Ғылым академиясының тұңғыш Президенті, көрнекті ғалым-геолог Қаныш Сәтбаевтың дүниеге келген күні. Қазақтан шыққан тұңғыш академиктің ғылым саласында жолын қуған ізбасарлары аз емес. Біз ғылымның дамуына зор үлес қосып келе жатқан ғалымдарымызды мақтан тұтамыз.

Құрметті ғалымдар! Ғылым саласының қызметкерлері! Сіздерді шын жүректен кәсіби мерекелеріңізбен құттықтаймыз! Атқарып жатқан қажырлы еңбектеріңіз, тың бастамаларыңыз бен жобаларыңыз, батыл идеяларыңыз бен бірегей зерттеулеріңіз үшін алғыс айтамыз.Сіздерге зор денсаулық, сарқылмас қуат, ізденіс жолында шабыт және толағай табыстар тілейміз.