Новости

«Ұлы даланың дара ұстазы»

Ыбырай Алтынсарин–балалар әдебиетінің атасы. Бүкіл өмірін қазақ балаларын оқытуға арнаған. Сол мақсатпен алғаш рет балаларға арнап мектеп ашып, оқулық жазған. Ағартушы оқулықты жазудағы мақсатын хрестоматияның алғы сөзінде: «Бұл кітапты құрастырғанда мен, біріншіден, осы біздің ана тілімізде тұңғыш рет шыққалы отырған жалғыз кітаптың орыс - қазақ мектептерінде тәрбиеленіп жүрген қазақ балаларына оқу кітабы бола алу жағын, сонымен қабат, жалпы халықтың оқуына жарайтын кітап бола алу жағын көздедім...» деп тұжырымдаған. Өйткені хрестоматияға Ыбырай өзінің педагогтық мақсатына лайықтай жазған тәрбиелік мәні жоғары көптеген шағын әңгімелерін, өлеңдері мен ауыз әдебиеті үлгілерін, сондай – ақ, орыс педагогтері мен айтулы орыс қаламгерлерінен аударған шығармаларды енгізген болатын. Бұл шығармалардың тақырыптық–идеялық мазмұнынан біз Ыбырайды ұстаз-тәрбиеші ретінде алдына мақсат етіп қойған адамгершілік мәселелерін көреміз.

Ыбырай Алтынсаринның 180 жылдығына арналған «№2 Новоишим орта мектебі» КММ-сінің 9 «А»-сыныбында «Ұлы даланың дара ұстазы» атты cайыс сабағы өтті.

Сайыс сабақтың тақырыбы: «Ұлы даланың дара ұстазы».

Сайыс сабақтың мақсаты: Қазақ даласының дара ұстазы Ыбырай Алтынсариннің ұстаздық жолы мен қазақ даласының, келешек ұрпақтың қамы үшін жүргізілген еңбектері туралы оқушыларға түсіндіре отырып, сабаққа деген қызығушылықтарын арттыру.

Сайыс сабақтың міндеттері: Оқушылар сұраққа зейін қойып тыңдау, дұрыс жауап беру, өнегелі білім алу.

Алдымен сынып жетекшісі және қазақ тілі және қазақ әдебиеті пәндерінің мұғалімі: Калиева Жанар Кенжебайқызы «Ыбырай Алтынсарин» туралы видеотаспа көрсетіліп, 1–тапсырма: «Кім көп біледі?» әдісі бойынша Ыбырай Алтынсарин туралы білетіндерің ортаға салады. Қасымова Аружан, Қайраш Жанат, Неғмеджан Жазиралар Ыбырай Алтынсариннің өмірі және шығармашылығына кеңінен тоқталды.

Ал 2–тапсырма: «100 сұрақ және 100 жауап» әдісі бойынша «Ыбырай Алтынсариннің өмір мен шығармашылығы» қатысты сұрақтарға жауап береді. Бұл әдіс бойынша 100 сұрақ қойылып, оқушылар жауап беріп отырды, білмеген сұрақтарды мұғалім нақты түсіндіріп отырды және де Ыбырай Алтынсарин шығармашылығы жас ұрпақты еңбексүйгіштікке, ұқыптылық пен білімді, тәрбиелі, дені сау болуға жетелейтіндігін жеткізді. Ыбырай Алтынсарин тұңғыш аудармашы, жазушы, ақын, ағартушы-ұстаз, тұңғыш оқулық авторы, тұңғыш мектеп ашушы, балалар әдебиетінің негізін салушы, «Қазақ хрестоматиясын» құрастырып шығарғандығын атап өтті.

Қазақ халқының ұлы мақтанышы, ұлы ұстазы, тұңғыш ағартушы- ғалым, шебер жазушы Ыбырай Алтынсарин қаламынан көптеген маңызды көркем шығармалар туды. Қазақ даласына тұңғыш рет мектеп ашқан Ыбырай Алтынсариннің келешек ұрпақ үшін атқарған еңбегі күні бүгінге дейін өз маңызын жойған жоқ және Ыбырай Алтынсаринның 180 жылдығына арналған «Ұлы даланың дара ұстазы» атты cайыс сабақта барысында оқушылар Ыбырай Алтынсариннің өмірімен, шығармашылығымен етене танысты, өз бетімен ақпарат іздеуге, ұлылардың еңбегімен танысуға деген қызығушылықтарын оятуға мүмкіндік берді.