14.12.2022 жылы «№2 Новоишим орта мектебі» КММ қазақ тілі мен әдебиет мұғалімдерінің әдістемелік бірлестік мүшелері ХVІІ ғасырдың соңы – ХVІІІ ғасырдың бірінші жартысындағы қазақ халқының әйгілі халық қаhарманы – жырау, күйші, батыр және қолбасшы Қожаберген Толыбайұлының «Дауылпаз баба- Қожаберген» атты мектепішілік байқауын өткізді. Байқаудың мақсаттары: «Рухани жаңғыру» бағдарламасы аясында ұлтымен қайта қауышқан баһадүр бабамыз- Қожаберген Толыбайұлын өскелең ұрпаққа таныту; талапты, талантты оқушылардың поэзияға деген құштарлығын арттыру;ақын өлеңдері арқылы халқына, тілге, Отанға деген сүйіспеншілік сезімдерін ояту; Ұлтымыздың ұлы тұлғаларын танып-білуге, ізгілікке, тіл шеберлігін қалыптастыруға, бәсекеге қабілетті болуға үйрету; дарынды, талантты балаларға қолдау көрсету болды. Байқау мектептің 6-11 сынып оқушылары арасында өткізілді. Жалпы 9 оқушы қатысты. Байқау 5 номинацияны қамтыды. Байқаудың қортындысы шығарылып, I орын алған оқушылар аудандық кезеңге жолдама алды.
